Գլոբալիզացիան սահմաններ չի ճանաչում

Ռուսաստանցի գործարար Ռոման Աբրամովիչը հերթական անգամ ապացուցում է, որ հանուն «Չելսիի»՝ ինքը պատրաստ է ամենաանսպասելի զոհողությունների ու շռայլությունների: Մասնավորապես, ինչպես հաղորդում են բրիտանական լրատվամիջոցները, Աբրամովիչը պատրաստվում է 40 մլն ֆունտ ստերլինգ (մոտ 60 մլն դոլար) վճարել հայ դաշնակահար Տիգրան Համասյանի համար: Ըստ The Sun թերթի՝ «Աբրամովիչը խելքը թռցրել է: Իհարկե, համաշխարհային ֆուտբոլի պատմության մեջ եղել են դեպքեր, երբ սուպերակումբներն օգտվել են ֆուտբոլի հետ կապ չունեցող մարդկանց ծառայություններից՝ խորհրդանշական կերպով նրանց ընդգրկելով հիմնական կազմ (ինչպես, օրինակ, Պիկասոյին՝ Մադրիդի «Ռեալ» եւ կամ Քամյուին՝ ֆրանսիական «Ռեյմս»): Սակայն 40 միլիոնն ահռելի գումար է նման մտահղացման համար»:

Ինչպես նշել է ակումբի նախագահ Բրյուս Բաքը՝ գաղափարն իրենն է, ինչին հավանություն է տվել ակումբի սեփականատերը: «Չելսին» արիստոկրատների թիմ է, և Համասյանի պես բարձրակարգ արվեստագետի հայտնվելն ակումբում մեզ միայն բարիք կբերի»,-նշել է Բաքն ու հավելել, որ գործարքի իրականացման դեպքում թիմի երկրպագուների թիվն ամբողջ աշխարհում զգալիորեն կավելանա: «Տղաներն անհամբերությամբ են սպասում ամառային տրանսֆերային պատուհանի բացվելուն, Ջոնն ու Հարրին (Թերրին ու Կեհիլը) արդեն ձեռք են բերել Համասյանի կատարմամբ ձայնագրությունները, որոնք արդեն նրանց մշտական ուղեկիցներն են դարձել: Իսկ ակումբի կոմերցիոն տնօրեն Քրիս Ալեքսանդերի կարծիքով՝ Համասյանի ներկայությունն էապես կնպաստի ակումբի ֆինանսական վիճակի բարելավմանը»:

Գործարքն առայժմ բանակցությունների փուլում է, բայց, ինչպես տեղեկացնում է լոնդոնյան ակումբի տնօրեն Եվգենի Տենենբաումը, բոլոր հիմքերը կան՝ լավատես լինելու համար: «Ճիշտ է, Համասյանը նաև լրացուցիչ պայմաններ է դրել (ըստ The Guardian-ի՝ հայ դաշնակահարն առաջարկել է «Չելսիի» փոխարինողների կազմում ընդգրկել հայաստանցի երկու շնորհալի ֆուտբոլիստների ևս՝ փորձաշրջան անցնելու համար, որոնց անուններն առայժմ չեն հրապարակվում), այնուամենայնիվ, մենք լիահույս ենք, որ գործարքը կկայանա»:  Իսկ Բաքն ասել է, որ դա իրենց կողմից իրականացվող նմանատիպ առաջին, բայց ամենևին էլ ոչ վերջին գործարքն է լինելու (ըստ որոշ աղբյուրների՝ արիստոկրատների թիրախում երկրորդը հնդիկ հայտնի դերասան և պրոդյուսեր Աբխիշեկ Բաչանն է): «Թող ոչ ոք չկասկածի, որ սա աննախադեպ և բացառիկ արդյունավետ մենեջմենթի սկիզբն է միայն: Մեր ժամանակներում լայնամասշտաբ հաջողությունների կարելի է հասնել միայն գործունեության հիմքում ունենալով գլոբալիզացիայի և մշակույթների սինթեզի անշրջելիության սկզբունքը: «Չելսին» մեծ ակումբ է, բայց մեզ ավելին է անհրաժեշտ. մենք ուզում ենք լինել նաև սպորտի և մշակույթի անհավատալի սինթեզի արմատավորողները»,- եզրափակել է Բրյուս Բաքը:

Ինքը՝ Համասյանն ասել է, որ լոնդոնյան ակումբն արդեն վաղուց սպորտային բրենդի պես մի բան է դարձել, և հաճելի կլիներ նրա ծրագրերի մի մասը կազմել, բայց որպես հայ արվեստագետ, իր համար առաջնային են այլ արժեքներ ևս՝ ակնարկելով երիտասարդ հայ ֆուտբոլիստների՝ «Չելսիում» փորձաշրջան անցնելու հեռանկարը:

Մնում է միայն ավելացնել, որ Համասյանի՝ «Չելսի» տեղափոխվելու տրանսֆերը, կայանալու դեպքում, կդառնա հայկական ֆուտբոլի պատմության ամենաթանկ գործարքը՝ գերազանցելով Հենրիկ Մխիթարյանի տրանսֆերը, որը կազմում էր ընդամենը 27 մլն եվրո:

Կարեն ՍՏԵՓԱՆՅԱՆ

Աղբյուր՝ Aravot.am

Անգլիայի գավաթի 1/4 եզրափակիչը Լեսթերի հետ անցավ լարված եւ դիտարժան պայքարում։ Ազնվականներին առաջ մղեց Մորատան 42-րդ րոպեին։ 2 խաղակեսում մի փոքր բաց թողեց զգոնությունը եւ Վարդին հավասարեցերց հաշիվը ու խաղը տեղափոխեց լրացուցիչ ժամանակ, որտեղ էլ փոխարինման դուրս եկած Պեդրոն 105-րդ րոպեին առաջ մղեց Չելսիին եւ դուրս բերեց կիսաեզրափակիչ։

Անգլիայի գավաթի 1/4 եզրափակչում Չելսին հյուրընկալվում է Լեսթեր Սիթիին։ Ազնվականները ի տարբերություն մյուս մրցաշարերի այս մրցաշարում բավական հաջող են հանդես գալիս եւ Կոնտեի հիմնական նպատակներից մեկը գավաթը նվաճելն է, որը կտա ուղեգիր դեպի Չեմպիոնների Լիգա։ Խաղը մեկնարկելու է Երեւանի ժամանակով 20:30-ին եւ ուղիղ եթերով կարող եք հետեւել մեր կայքում: Ուղիղ հեռարձակումը կմիանա խաղից 10 րոպե առաջ։

Այսօր Չեմպիոնների լիգայի 1/8 եզրափակչի Բարսելոնա - Չելսի պատասխան հանդիպումն է։ Առաջին խաղը ավարտվեց 1։1 հաշվով եւ այսօր տան տերերը փոքր ինչ առավելություն ունեն, բայց Ազնվականները բոլոր հնարավոր միջոցներով ձգտելու են դուրս գալ 1/4։ Խաղը մեկնարկելու է Երեւանի ժամանակով 23:45-ին եւ ուղիղ եթերով կարող եք հետեւել մեր կայքում: Ուղիղ հեռարձակումը կմիանա խաղից 10 րոպե առաջ։